تعليقات طريفه علي لقاء القمه

احتفلت جماهير الأهلي بفوز فريقها " المعتاد " علي الزمالك في قمة
الكرة المصرية بعدما نجح الشياطين الحمر في التلاعب بالفريق الأبيض
وتمكنوا من دك حصونه ثلاث مرات في المباراة التي أقيمت بين الفريقين
علي ملعب القاهرة الدولي واسفرت عن تأهل فريق الأهلي لدور
الثمانية من بطولة كأس مصر .

ولم تخلو احتفالات الجماهير الحمراء بالآراء والتعليقات الطريفة التي
تصاحب الفوز الدائم للأهلي علي الزمالك في مباريات القمة
والمناسبات المهمة وننقل لكم اطرف التعليقات التي أطلقتها الجماهير
الحمراء علي المباراة سواء عبر صفحات المواقع
أو شبكة " فيس بوك " .

عبد الفضيل حطها .. وتريكة راحلها ،، وفضل وقفلها ،،
وعبد الواحد معرفش يصدها ،، والفرقة ده دلوقتي وقتها ....!!! "
اسلام & وليد "

ويقول " أحمد عبد الغفار " ينفع كده يا جماعة،،، امبارح كان فيه
ماتش مهم بين الاهلي والزمالك في كاس مصر... ولغاية دلوقتي
محدش عارف ليه الزمالك مجاش المباراة !!!

وأثار العنوان الرائع لتقرير المباراة في موقع جماهير الأهلي العديد من
الآراء الساخرة وكان التقرير بعنوان "
كل واحد يعرف حجمه :
الأهلي يتلاعب بالزمالك ويكتسحه بثلاثية ودستة فرص ضائعة
" ، و كان أبرزها "
الأهلي فاز بالدوري و تأهل لدور الثمانية من بطولة أفريقيا ،
وفي طريقه للفوز بالكأس وتقولولى كل واحد عارف مكانه هو فين
مكانهم دول أصلاً ؟؟؟ " .

بينما قال " هيثم المغترب " : حسام حسن وجد بديل
شيكا في الموسم القادم لأن شيكا بيشوط الكرة في أول الماتش بتوصل
في أخره ، والصفقة أنه هايتعاقد مع كابتن ماجد علشان أسرع من
شيكا بيشوط الكرة في أول الحلقة بتوصل في أخرها " .

وقال " محمد عبد الوهاب " : ايوا كدة يا وديع ،،، ياعني ايه
فرقة كل مرة تخسر ؟ دى تبقا فرقة ؟؟ ياحبيبى ليه نخسر لما فى ايدينا
نكسب عايز تشجع شجع الاهلى أستاااااااااذ ...

وقال " أحمد عبد العزيز " بيقولك الزمالك رجع تاني..
طب ماهو طول عمره تاني " ..

بينما اكتفي " ayman fawzy "
بقول " الادب فضلوه عن اللعب " ... وقال العضو
" المنسى " 3شارع ابو تريكة متفرع من شارع
محمد فضل ميدان شريف عبدالفضيل محافظة حسام البدرى جمهورية
الاهلى الشعبية المتحدة ولا عزاء للأخرين .

قال " أحمد السيد " ما الفرق بين الزمالك والنسكافيه ؟ النسكافيه
تلاته فى واحد والزمالك تلاته فى عبد الواحد ....

بينما قال " ماندو " ابو تريكة عقب الثورة والقمة يقول "
إنا لا أعلم لماذاقامت الثورة أنا كنت بجيب أجوان فى الزمالك ساعتها " .

أما " ابو راشد الاهلاوي " قال : والله الواحد بيستغرب !
على راى المثل اجرى يا حسام فى الدنيا جرى الوحوش ياتلحق
المكروباص يا متلحقوش ...

بينما قال " عمرو الباز " :
كدبة كل موسم الزمالك راجع ، انتبه من فضلك الزمالك يرجع
إلي الخلف...لو كان راجع في توكتوك من تورابورا كان وصل .

وقال " ميمو أهلاوى " : التدريب أدب مش هز كتاف...

.وقالت " نرمين الاهلوية " :
بالنظام الأهلي جه فيهجون وراح بالنظام عبد الفضيل جاب
التعادل وبالنظام فضل جابالتانى وبالنظام تريكة سجل التالت
وبالنظام الأهلى كسب وبالنظام
الأهلي صعد شوفتوا النظام حلو ازاى " .

وقال " أحمد محمود الاهلاوى " انفرط عقد فريق الاوهام و
التعويذة باظت يا حسام ،،،
بينما قالت العضوة " مريم الاهلوية "
احمدوا ربنا متعب مش هنا ، ،،،

و قالت العضوة " دنيا " :
الابيض وقع يا رجااااااله .

وقال نزار : خدمه هزأني شكرا مع النادي الاهلي ...
شيل 3 و اتهزاء 90 دقيقه ببلاش ...
(اطمن العرض مش لمده محدوده العرض على طووووووووووووول) .

أما علي موقع " فيس بوك " الاجتماعي الشهير
كانت أطرف التعليقات :

دعاء توفيق : الاهلى مبدع كله هيتقطع ,, يا منجى من المهالك
هتكسب امتى يا زمالك ،،، وأيضا : من الخطر أن تحرز هدفا مبكرا
في النادي الاهلي والأفضل ان لا تستفزه فـقـد تتعادل !

أحمد محمود : بيقولوا كان في شارع ورا أحمد غانم .. شارع مين ده
كانت فسحاية ،،، أحمد منير : بس ياسيدى....وقام الاهلى لزق
الزمالك 3 على غفلة .

ميدو البرنس : حسام حسن بعد المطش بيقول هي مالها بردت كده ليه
ولا انا بايني جعاااااان ؟؟؟!!!!!!!

أحمد كاظم : الأهلي و الزمالك : شعب واحد ... بلد واحد ...
علم واحد ... تلاتة واحد" !

محمد عاطف : لما انتو مش قدنا بتلعبو معانا ليييييييييييييه؟؟؟؟؟؟؟

محمد الشيخ : اللهم لا شماتة الزمالك شال تلاتة .

شروق : فى السنة اللى مغلبناش الزمالك فى الدورى......
قطعناه فى الكاس .. النادى الاهلى انجازات عربى .. ام الاجنبى .

محمد : الزمااالك و هو قاااااادم عمل حادثه .

عبد الوهاب مكرم : حسام بعد المباراة : انا بيه انا بيه انا بيه يوم
الخميس كان بكره يبقى النهاردة ايه .. ايه .. ايه .

خالد : كـــدبة العـــمـر كله .... الزمالك قادم ..
يديينا و يديكوا طولة العمر .

محمد زيزو : البطولة اللى حيلتى رااااااحت ......راااااااحت .....
البطولة اللى حيلتى ضااااااعت.........ضاااااااعت .

أحمد الوكيل : تعلن شركة الاهلي للعقارت السكنيه فتح باب الحجز
في عمارات شارع احمد غانم سلطان و سيد بك معوض المتفرع من
شارع اللواء محمد بركات و باسعار خياليه تبدا من 3 اهداف
و بدون مقدم .

محمد : بمناسبة قرب حلول شهر رمضان المعظم ,, نود أن نهنيء
جميع اخواننا الزملكاوية بقرب حلول الشهر ال "فضيل" أعاده الله
عليكم بال "فضل" وال "بركات" وشكرا .

ماركو عاطف : يا عينى يا عينى يا عينى ع الولا ..

اسامة ابراهيم : شوفتو اللي حصل ، الزمالك وصل ، شال 3 و
بعديها انفصل ، و لما سألنا حسام حسن ، ليه انت نادم بعد ما قلت
قادم ، قال يا اخونا غلطة و مش حكابر ،
النادي الاهلي دة فريق أكابر .

الصقر الجريح : تم افتتاح شارع فى نادى الزمالك اسموة شارع
بركات المتفرع من ميدان سيد معوض وقام الوزير تريكة
بوضع اللمسات الاخيرة .

أحمد الغول : فى مباراه بعنوان :: العين عليها حارس.....
بان العسكرى .. وبان الفارس ،،،،، وأيضاً : حسام البدري في اخر
خمس دقايق اشتغل يكلم رجاله الاهلي "
يارجالة لاعبوا اخواتكم معاكم مينفعش كده " .

وليد شعراوي : خبر : تقدم الزمالك باحتجاج رسمى لدى الفيفا بعدم
صحة الهدف الثانى لأن محرزه محمد فضل والمفترض يكون عماد متعب .

وأخيراً " بعد ان اصبح بطل الدورى الحقيقى ، الزمالك يصبح بطل
كأس مصر الحقيقي ليصبح اول فريق يحقق الثنائية الحقيقيه "
،،،،، وأيضاً " حكام اجانب وجبنالهم ، اجوان تسلل وحسبنالهم ،
متعب وقعدناهلهم ، تنظيم الماتش وسيبناهلهم ، جوزيه مشي و
سابهالهم ، الحضري ومشيناهلهم ، فلافيو و بعناهلهم ، ناقص نكسب
البطوله ونديهالهم " ..

ألف مبروك لكل الأهلاوية في كل مكان
و ستتواصل الانتصارات بمشيئة الرحمن