اسهل طريقه للاقلاع عن العاده السريه بس متبخلش فى القراءه

بسم الله الرحمن الرحيم

والصلاة والسلام على اشرف المرسلين وسيد الخلق اجمعين سيدنا محمد صلى الله عليه وسلم
اما بعد
الموضوع اللى هتكلم فيه النهارده ناس كتير اتكلمت فيه ونصحت فيه واتعمل فيه لقاءات ومحاضرات واشرطت كاسيت لكن للاسف فيه اللى استجاب وهم قله من الشباب اما القله الاخرى وهيه الاكثر لا يستجب البعض منهم يسمع الكلام من هنا ويطلعه من هنا اللى هيه الاذن الثانيه والبعض اللى مش قادر والبعض اللى بيحاول ومش قادر والبعض اللى يغيب يغيب ويرجعلها تانى
" العاده السريه "
طبعا بتقولوا يوووووووووه تانى متحاولش مش هنقدر نسيبها حتى لو قولتلنا او نصحتنا بايه انا لا هقول ولا هنصح لانى عمر اللى هقوله هيكون افضل من اللى قلوه الدعاه فى كل مكان وفى كل ذمان
بس اللى انا عاوز اتكلم فيه وانصح فيه هيه كانت والحمد الله تجربه شخصيه وربما تفيدكم والله لو اتنفذت زى ما انا هقول انا واثق مليون فى انك هتكون انسان تانى والله هتكون انسان تانى وهتحب دينك ونبيك وهتغير عليهم اكتر من نفسك فداك ابى وامى وروحى يا رسول الله عليه الصلاة والسلام

انا مش هقولك لو عاوز تعمل العاده دى اعملها فى مكان لا يراك فيه الله عز وجل بقى تدارى من الخلق العبيد ومتتكسفش من الخالق السميع العليم خالق السموات والارض وما عليه اللى شايفنى وشايفك ويعلم بكل شيئ ..الخ ومش هقولك لا احاديث ولا ايات قرانيه بس انا عاوزك تطبق الحاجات اللى انا هقولك عليها واللى انا بالفعل عملتها واقسملك بالذى خلقنى وخلقك انك هتكون انسان راضى عن نفسك وسعيد وربنا هيرضى عنك وطبعا اللى حولايك هيرضوا عنك واى دعاء ليك هيكون مستجاب بأذن الله .. صلى على النبى عليه ..
اول حاجه انا عاوزها منك انك تصلى الخمس صلوات فى المسجد وطبعا اهم حاجه صلاة الفجر مش هوصيك يمكن تلقيها صعبه فى اول يوم لكن والله باقى الايام هتلقيها سهله وتقول ياريت صلاة الفجر تبقى كل نصف ساعه والله هتحب الصلاه اكتر من عيونك وما بالك بقى لما تحب الصلاه هتلاقى كل حاجه حولايك اتخيرت وبقت للاحسن بس والنبى صلى بخشوع
الحاجه التانيه مش معقول واحد بيصلى الخمس فروض فى المسجد يسمع اغانى مش ماشيه صح عيبه فى حقك واحد مسلم محترم زيك بيصلى الـ 5 فروض فى بيت الله وبين يد الله ويسمع اغانى .. ورب الكعبه الاغانى ما تليق مع اى مسلم ينطق الشهاده ويقول لا اله الا الله محمدا رسول الله .. والله والله والله ما فى انسان يسمع اغانى ويصلى يحس بلزة او بخشوع الصلاه وهتلاقى نفسك بتصلى بلا طعم ولا لزه فى الصلاه وهتظل نقطه سوداء فى قلبك وهتحس بيها وصدقنى الاغانى ما ليها اى قيمه والله ما تستاهل انى انا اقعد قصادها او اسمعلها ومين هوه ده اللى انا اسمعله والله والله ما يستاهل ... المهم تبعد عنها وخلاص ومتسألش كتير علشان نكمل باقى الخطوات
الحاجه الثالثه تقسم وقتك من سماع خطب ومفيش اجمل من القنوات الدينيه اللى انتشرت فى التلفزيون بطريقه جميله ورقيقه وربنا يحفظها ويزيدها يا سلام لو كل يوم خطبه عسل وبين قراءة كتب دينيه زى مثلا استمتع بحياتك لـ محمد عبد الرحمن العريفى او سيرة النبى صلى الله عليه وسلم لـ محمود المصرى او ساعه وساعه نوادر وعجائب لـ محمود المصرى بردو فى كتب كتيره والله جميله وتستحق القراءه وهتحس بمتعه فيها وهتستفاد باشياء كتيره منها وانا واثق هتطبقها وهتحس لفرق شاسع هوه ده فن التعامل ولا بلاش ويكفى انك هتلاقى نفسك بتشارك فى اى حديث قائم حولك وهتكون افضلهم لانى كلامك هيكون مبنى على ادله وبراهين واحاديث الخ .. شفت بقى فايدة القراءه
الحاجه الرابعه اخرج ياخى روح زور قرايبك اخرج مع اصدقائك اتمنى يكونوا زيك او احسن منك .. متزعلش انت احسن طبعا وعارف هتلاقى كلامك معاهم كله مقيم على الادب والاحترام والحياء متنساش وانتى ماشى فى الشارع تغض نظرك انت نسيت ولا ايه انت دلوقتى حاجه تانيه وانسان محترم ومينفعش انك تبص متنساش ان معاك ملكين فوق اكتافك ولا انت عاوزهم يطفشوا منك والنبى غض نظرك سواء فى الشارع او على الفضائيات واتمنى انك متسمعش اى فلم غير هادف وبه مشاهد تستفزك وتحرك مشاعرك لانك انت خلاص دلوقتى الملائكه محوطاك من جميع الجهات يا بختك ياعم .. وفين دلوقتى الافلام الهادفه ربنا يرحمنا
الحاجه الخامسه والاخيره انا بحسدك هههههه بهزر والله بالعكس انا هدعيلك وربنا يثبتك بس متنساش انت كمان تدعيلى عارف بحسدك ليه لانك دلوقتى انت انسان بمعنى الكلمه وصاحب خلق وجميل الشكل والوجه انت مش شايف ان وجهك نور وابيض ومش حاسس ان اللى حولايك بيحبوك مع العلم انك الاول كنت دائم الخنقه والغضب معاهم مش معهم بس ومع نفسك كمان بتدايق لاتفه الاسباب سبحان مغير الاحول مفيش انسان بيطلب الهدايه وربنا ميهدهوش . الهم اهدنا واهدى شباب وبنات المسلمين يا ارحم الراحمين
*** ودلوقتى بس بعد تطبيق كل الخطوات دى بدقه وبحب وبخشوع فيها اقدر اقولك روح مارس العاده القزره الخبيسه .. ورب الكعبه مفيش حاسه فى جسمك هتصدر امر للمخ انه يفكر فيها اساسا من رابع المستحيلات خلاص يا اخى الحاسه دى اتنست واتمحت نهائى وهتكره سماعها وهتشمئز من اللى بيعملها وهتقول ازاى فى ناس كده .. ما خلاص ما انت عم الشيخ دلوقتى بس بالله عليك عامله كويس وانصحه وبرفق ياريت علشان يحبك ويستجيب بسرعه والدال على الشيئ فاعله " إن العين تزني وزناها النظر، وإن اليد تزني وزناها البطش، وإن الأذن تزني وزناها السمع، وإن الفرج يصدق هذا أو يكذبه " .. عرفت القصه كلها سببها ايه ..

انا اسف انى طولت فى الحديث بس والله وربنا اللى يعلم انا كنت داخل اكتب كلمتين مختصرتين بس والله ما عرفت لقيت اىدى بتكتب كلام كتير بس والله كل كلمه انا بقولها من نفسى ومن الحياه اللى انا كنت عايشها ومريت بيها والحمد الله ربنا هدانى زى ما انشاء الله يهديك انت كمان


والسلام عليكم ورحمة الله وبركاته